စစ်ကိုင်း ပြတ်ရွေ့အကြောင်း

စစ်ကိုင်း ပြတ်ရွေ့အကြောင်း

ဘူမိဗေဒစစ်ကိုင်းပြတ်ရွေ့အကြောင်းတစေ့တစောင်း

ကျွန်တော်တို့နေထိုင်ရာကမ္ဘာကြီး၏မြေမျက်နှာပြင်သည်တည်ငြိမ်သည်ဟုထင်ရ သော်လည်းအစဉ်မပြတ်ရွေ့လျားလျက်ရှိသည်။ဆိုလိုသည်မှာကမ္ဘာ့အတွင်းပိုင်းရှိချော်ရည်များကမ္ဘာ့အပြင်ဖက်မြေမျက်နှာပြင်ပေါ်သို့အစဉ်မပြတ်တိုးဝင်မှုများကြောင့်ကမ္ဘာမြေထုချပ်ကြီးများ(tectonic plates)တဖြည်းဖြည်းရွေ့သွားနေခြင်းကိုဆိုလိုသည်။

ထိုကဲ့သိုမြေထုချပ်ကြီးများရွေ့နေရာမှတစ်ခုနှင့်တစ်ခုတွေ့ဆုံကျသောအခါပွတ်တိုက်မှုများဖြစ်ပေါ်ပြီးမြေမျက်နှာသွင်ပြင်သည်လည်းပြောင်းလဲမှုများဖြစ်ပေါ်သွားသည်။ ကမ္ဘာမြေမျက်နှာသွင်ပြင်ပြောင်းလဲမှုများအနက်ပြတ်ရွေ့များ(faults)သည်လည်းတစ်ခုအပါအဝင်ဖြစ်သည်။

ပြတ်ရွေ့များသည်အက်ကွဲကြောင်းတစ်ခုအတိုင်းမြေသားထုကျိုးပြတ်ကာတစ်ဖက်တစ်ချက်ရှိကျောက်များရွေ့သွားသောကြောင့်ဖြစ်ပေါ်ကြသည်။ပြတ်ရွေ့ဟုဆိုရာတွင်ကျွန်တော်တို့မြန်မာနိုင်ငံ၌တောင်ဘက်သို့ရွေ့လျားနေသောIndia plate နှင့် Eurasian plateတို့နှစ်ခုတေ့ဆက်မှုကြောင့် ဖြစ်ပေါ်နေသော စစ်ကိုင်းပြတ်ရွေ့ကြီး(Sagaing fault)တစ်ခုရှိသည်။

ဤစစ်ကိုင်းပြတ်ရွေ့ကို၁၉၆၀တွင်ပညာရှင်အချို့မှစစ်ကိုင်းတွင်လေ့လာခဲ့ပြီးအသေးစားသာမန်ပြတ်ရွေ့ဟုထင်ခဲ့သော်လည်း၁၉၆၉ခုနှစ်တွင်အမေရိကန်နိုင်ငံမှဘူမိဗေဒ ဒေါက်တာဘွဲ့ရဒေါက်တာဦးဝင်းဆွေကသေချာသုသေသနပြုလေ့လာခဲ့သောအခါစစ်ကိုင်းပြတ်ရွေ့သည်သာမန်အသေးစားပြတ်ရွေ့တစ်ခုမဟုတ်ဘဲကီလိုမီတာ၁၂၀၀ ကျော်ရှည်လျားပြီးမြန်မာနိုင်ငံတောင်နှင့်မြောက်လားရာအတိုင်းအလယ်ကပိုင်းထားသည်ဟုသိခဲ့ကြသည်။

ဤပြတ်ရွေ့သည်မြောက်ဘက်တိဘက်ကုန်းမြင့်ဟူးကောင်းချိုင့်ဝှမ်းမှစတင်ပြီးအိန္ဒိယအထိရှည်လျားကာမြန်မာနိုင်ငံတောက်လျောက်ဝင်လာပြီး မိုးကောင်း၊မိုးမိတ်၊စစ်ကိုင်း၊အင်းဝ၊မန္တလေး၊ပျော်ဘွယ်၊မိတ္ထီလာ၊မြစ်သား၊တောင်ငူ၊ပဲခူး၊သုံးခွစသောမြို့ကြီးများကိုဖြတ်ပြီးမြစ်ဝကျွန်းပေါ်ကနေတောင်ဘက်ကပ္ပလီပင်လယ်အိန္ဒိယသမုဒ္ဒရာထဲ စိုက်ဝင်သွားသည်။

စစ်ကိုင်းပြတ်ရွေ့သည်အလျားလိုက်ပြတ်ရွေ့(Strike-Slip fault)အမျိုးအစားဖြစ်သည်။အတိအကျဖြင့်ဆိုသော်လက်ယာအလျားလိုက်ပြတ်ရွေ့(right-lateral strike-slip fault)ဖြစ်သည်။

အလျားလိုက်ပြတ်ရွေ့(Strike slip fault)ဆိုသည်မှာမြေထုချပ်နှစ်ခုသည်ဒေါင်လိုက်အရွေ့ကြီးကြီးမားမားမရှိပဲတစ်ခုကိုတစ်ခုဘေးတိုက်ရွေ့လျားသွားခြင်းဖြစ်သည်။စစ်ကိုင်းပြတ်ရွေ့ကြီး သည်ပျမ်းမျှအားဖြင့်နှစ်စဉ်၁၈-၂၀မီလိမီတာရွေ့လျားပြီးကြီးမားသောသက်ရှိပြတ်ရွေ့တစ်ခုလည်းဖြစ်သည်။

စစ်ကိုင်းပြတ်ရွေ့တလျှောက်လှုပ်ရှားခဲ့သောအချိန်နှင့်နေရာများ

စစ်ကိုင်းပြတ်ရွေ့ကြောင့်မြန်မာနိုင်ငံတွင်သတ္တုရိုင်းတွင်းထွက်များများစွာဖြစ်တည်နေသော်လည်းထိုပြတ်ရွေ့ကြောင့်ပင်ဘဘာဝဘေးအန္တရာယ်များဖြစ်ပေါ်ခြင်း အထူးသဖြင့်ငလျင်လှုပ်ခတ်ခြင်းများဖြစ်ပေါ်လာနိုင်သည်။

မြန်မာနိုင်ငံတွင်လှုပ်ခတ်ခဲ့သောပဲခူးငလျင်၊ပုဂံငလျင်၊အင်းဝငလျင်စသည့် အင်အားကြီးငလျင်များမှာစစ်ကိုင်းပြတ်ရွေ့ကြီး၏ရွေ့လျားမှုများကြောင့်ဖြစ်ပေါ်ခဲ့ခြင်းဖြစ်သည်။ဤငလျင်များကြောင့် အသက်ပေါင်းများစွာသေဆုံးခဲ့ရပြီး၊ စေတီပုထိုးများ၊ အဆောက်အဦးများလည်း များစွာပျက်စီးခဲ့ရသည်။

အချို့ပညာရှင်များက နှစ်ရှစ်ဆယ်မှနှစ်တစ်ရာကြား စစ်ကိုင်းပြတ်ရွေ့၏ ရွေ့လျားမှုကြောင့် အင်အားကြီးငလျင်တစ်ခုဖြစ်လာနိုင်သည်ဟုယူဆကြသည်။အကြောင်းကား ယခင်အထောက်အထားအရ ၁၈၃၀တွင်စစ်ကိုင်းပြတ်ရွေ့ကြောင့် ပဲခူးတွင်အင်အားကြီးငလျင်တစ်ခုလှုပ်ခတ်ခဲ့ပြီးနောက်နှစ်တစ်ရာ၁၉၃၀ခုနှစ်တွင်ရွှေမော်ဓော စေတီတော်ကြီးစိန်ဖူးတော်မြေခသည့်အထိ ပြင်းထန်သောငလျင်လှုပ်ခတ်ခဲ့ပြန်သည်။

ဤအခြေအနေကိုကြည့်၍ ပညာရှင်များက မြန်မာနိုင်ငံတွင် အင်အားကြီးငလျင်များ မလှုပ်ခတ်သည်မှာ နှစ်ပေါင်း ၈၀ မှ ၉၀ နီးပါး ရှိလာပြီဖြစ်၍ စစ်ကိုင်းပြတ်ရွေ့ တလျောက်တွင် နေထိုင်ကြသော လူများအားလုံး သတိထားကြရန် ပြောဆိုထားသည်။ထိုကြောင့်သက်ရှိပြတ်ရွေ့ကြီးရှိနေသောကျွန်တော်တို့မြန်မာနိုင်ငံတွင်သဘာဝဘေးအန္တရာယ်များထဲမှတစ်ခုဖြစ်သောအချိန်မရွေးဖြစ်နိုင်သောငလျင်အန္တရာယ်ကိုလည်းသတိပြုကြရန်တိုက်တွန်းရင်းကျွန်တော့စာတမ်းလေးကိုနိဂုံးချုပ်အပ်ပါသည်။